Մարտի 24-ին, ժամը 05։45-ին Ճգնաժամային կառավարման ազգային կենտրոն տեղեկություն է ստացվել, որ Երևանի Արարատյան փողոցում այրվում է կահույքի արտադրամաս։

 

Հրդեհի բարդության «Թիվ 2» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, Հրդեհաշիջման և փրկարարական աշխատանքների կազմակերպման բաժնի և Բժշկական ապահովման վարչության հերթապահ խմբերը։

 

Պարզվել է, որ հրդեհը բռնկվել է Արարատյան փողոցի թիվ 90/9Ա հասցեում գտնվող պահեստային տարածքում (2000 քմ)։

 

Հրդեհը մեկուսացվել է ժամը 07։07-ին, մարվել՝ 07։40-ին։

Պահեստային հատվածում այրվել են ներքնակի կուտակած հումք (սպունգ) և հաստոց (5 հատ), ջերմահարվել՝ առաստաղը։ Տուժածներ չկան։