Բացել լրահոսը Փակել լրահոսը
3 (3)
A A
Պաշտոնական

ՔՏՀԱ-ն կրկին զգուշացնում է «Զվարթնոց»-ի տարածքում անհատ տաքսիներին

«Զվարթնոց» օդանավակայանի տարածքում ՀՀ ՔՏՀԱ տեսչական մարմինը կրկին խստացված վերահսկողություն է իրականացրել տաքսամոտորային ուղևորափոխադրումներ կատարողների նկատմամբ

 

ՀՀ քաղաքաշինության, տեխնիկական և հրդեհային անվտանգության տեսչական մարմնի տրանսպորտային անվտանգության մասնագետները ՀՀ ՆԳՆ ոստիկանության պարեկային ծառայության կարգախմբերի հետ խստացված վերահսկողություն են իրականացրել «Զվարթնոց» օդանավակայանի տարածքում տաքսամոտորային ուղևորափոխադրումներ կատարողների նկատմամբ։

2024 թ․ մարտի 15-22-ն ընկած ժամանակահատվածում իրականացրած մշտադիտարկման արդյունքում Տեսչական մարմնի Երևանի տրանսպորտային անվտանգության բաժանմունքի մասնագետների կողմից ուսումնասիրվել է 24 տաքսամոտորային ուղևորափոխադրում իրականացնող տրանսպորտային միջոց, որի արդյունքում հայտնաբերվել է առանց համապատասխան լիցենզիայի առկայության ուղևորափոխադրում կատարող 20 տրանսպորտային միջոց։ Վարչական իրավախախտում թույլ տված տրանսպորտային միջոցների վարորդների նկատմամբ կազմվել են համապատասխան արձանագրություններ։

ՔՏՀԱ տեսչական մամինը կրկին զգուշացնում է՝ տաքսամոտորային ուղևորափոխադրումներ կատարող անհատ տաքսիներին ու մասնավոր ընկերություններին փոխադրումներն իրականացնել սահմանված լիցենզավորման կարգին համաձայն։