Բացել լրահոսը Փակել լրահոսը
A A
Պաշտոնական

Քաղաքացին բարձրացել է Արագած լեռը և չի կարողանում իջնել

Մարտի 6-ին, ժամը 08։44-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ քաղաքացին բարձրացել է Արագած լեռը և առատ ձյան պատճառով չի կարողանում իջնել. անհրաժեշտ է փրկարարների օգնությունը:

Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատներից երեք մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։

Փրկարարները հայտնաբերել են Հ. Մ.-ին (ծնված 2004 թ.), ոտքով ուղեկցել Արագած բնակավայր և մոտեցրել շտապօգնության ավտոմեքենային․ քաղաքացին հոսպիտալացվել է բժշկական կենտրոն։

Դեպքի վայրում է գտնվել ՓԾ տնօրենի տեղակալ, փ/ծ գնդապետ Եգոր Կարապետյանը։