Թումոն հայտարարում է անվճար ուսման և Թումո դասընթացավար դառնալու ծրագրի նոր փուլի մասին
Աջակցիր «Ա1+»-ինԹումո ակադեմիան հայտարարում է ընդունելության հերթական փուլ, որին մինչև ապրիլի 30-ը կարող են դիմել 21 տարեկանը լրացած բոլոր այն անձիք, որոնք ցանկանում են զրոյից նոր մասնագիտություն ձեռք բերել տեխնոլոգիաների և դիզայնի ոլորտներում և աշխատանքի անցնել Գյումրիի, Դիլիջանի, Եղեգնաձորի, Կապանի կամ Կողբի Թումո կենտրոններից մեկում՝ որպես կրտսեր դասընթացավար:
Թումո ակադեմիան հնարավորություն է տալիս.
- ձեռք բերել դասընթացավարի մասնագիտություն՝ սովորելով զրոյից և անվճար
- ուսման ողջ ընթացքում ստանալ կրթաթոշակ
- կրթական ծրագիրը հաջողությամբ ավարտելու դեպքում՝ աշխատանքի անցնել Գյումրիի, Դիլիջանի, Եղեգնաձորի, Կապանի կամ Կողբի Թումո կենտրոններից մեկում՝ որպես կրտսեր դասընթացավար
Թումո ակադեմիա ընդունվելու համար մասնագիտական փորձ, կրթություն կամ ոլորտային գիտելիքներ չեն պահանջվում: Վեցամսյա ինտենսիվ ծրագիրը հնարավորություն է տալիս զրոյից ուսումնասիրել Թումոյի կրթական ոլորտներից մեկը և ձեռք բերել Թումոյում որպես կրտսեր դասընթացավար աշխատելու համար անհրաժեշտ բոլոր հմտություններն ու գիտելիքները:
«Ծրագրին դիմելու համար պարզապես պետք է լինել 21+ տարեկան և տիրապետել հայերեն լեզվին: Անկախ նրանից, թե որտեղ եք ապրում, ինչ կրթություն ունեք և ինչով եք զբաղվում այս պահին, եթե ցանկանում եք մի քանի ամսից աշխատել Թումոյում որպես կրտսեր դասընթացավար, այս հնարավորությունը ձեզ համար է», - ասում է Թումո ակադեմիայի ղեկավար Նարինե Դավթյանը:
|
Ակադեմիայի կրթական ծրագիրը բաղկացած է երկու փուլերից՝ ուսում և դասավանդում: Ուսման փուլի (առաջինից երրորդ ամիսներ) ընթացքում ուսանողները կկենտրոնանան իրենց ընտրած ոլորտի ուսումնասիրման վրա, իսկ դասավանդման փուլում (չորրորդից վեցերորդ ամիսներ) կանցնեն պրակտիկա իրենց ընտրած Թումո կենտրոնում:
Ծրագրի ողջ ընթացքում բոլոր մասնակիցները կստանան կրթաթոշակ՝ 1-3 ամիսների ընթացքում ամսական 75,000 դրամի չափով, իսկ 4-6 ամիսների ընթացքում՝ 120,000 դրամի չափով:
Ակադեմիայի կրթական ծրագիրը հաջողությամբ ավարտած բոլոր ուսանողները ապահովվում են աշխատանքով և միանում Թումոյի նորարարական թիմին:
|
|
|
«Ակադեմիան հնարավորություն տվեց սկսել զրոյական կետից, ընդամենը մի քանի ամսում դառնալ սկսնակ մասնագետ և արմատապես փոխել կյանքս: Թումոյում դասընթացավար լինելը իմ երբևէ ունեցած ամենահետաքրքիր աշխատանքն է», - ասում է Թումո ակադեմիայի շրջանավարտ և արդեն Թումո Դիլիջանի դասընթացավար Ամալյա Խաչատրյանը:
Հայտերի ներկայացման վերջնաժամկետ՝ ապրիլի 30:
Թումո ակադեմիայի մասին ավելին իմանալու և դիմելու համար այցելե՛ք academy.tumo.org:
|
|
|
***
Հարցերի դեպքում խնդրում ենք կապ հաստատել Թումոյի հաղորդակցման, միջոցառումների և հանրության հետ կապերի բաժնի ղեկավար Զառա Բուդաղյանի հետ (+374 77 332 821, [email protected])
|
|
