ՀՀ ԶՈՒ գլխավոր շտաբի պետ Ասրյանն այցելել է հարավարևելյան և հարավարևմտյան սահմանագոտիներ
Աջակցիր «Ա1+»-ինՀՀ պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանը փետրվարի 14-16-ն աշխատանքային այցով եղել է հարավարևելյան և հարավարևմտյան սահմանագոտիներում:
Ինչպես տեղեկացնում է ՀՀ պաշտպանության նախարարությունը, գեներալ-լեյտենանտ Էդվարդ Ասրյանը շրջայցի ընթացքում եղել է մի շարք զորամասերում, զրուցել մարտական հերթապահություն իրականացնող զինծառայողների հետ, տեղում ծանոթացել սահմանային իրավիճակին, ծառայության կազմակերպման պայմաններին, ինչպես նաև խորհրդակցություններ անցկացրել զորամիավորման և զորամասերի հրամանատարական կազմերի մասնակցությամբ։
Ըստ աղբյուրի՝ Էդվարդ Ասրյանը հետևել է նաև ինժեներական և ամրաշինական կառույցների շինարարության ընթացքին, այցելել նորակառույց մոդուլային զորամաս, դիտարկել հարդարման և կահավորման աշխատանքները։