ԵՄ դեսպանին կանչել են Ադրբեջանի ԱԳՆ, բողոքել Հայաստանում ԵՄ դիտորդական առաքելությունից
Աջակցիր «Ա1+»-ինՀայ - ադրբեջանական սահմանին տեղակայված Եվրամիության առաքելության գործունեությունը լրջորեն մտահոգում է պաշտոնական Բաքվին։ Ադրբեջանի արտգործնախարարությունն այս մասին հայտարարել է այսօր Բաքվում ԵՄ դեսպան Պետեր Միխալկոյի հետ հանդիպման ընթացքում։ Դաշինքի՝ Բաքվում գործող ներկայացուցչության ղեկավարն Ադրբեջանի դիվանագիտական գերատեսչություն էր կանչվել այսօր առավոտյան։
«Հանդիպման ընթացքում լուրջ մտահոգություն է արտահայտվել Հայաստանում ԵՄ մոնիթորինգի առաքելության գործողությունների շուրջ, որոնք հակասում են դրա գործունեության և նպատակների շուրջ նախապես ձեռք բերված պայմանավորվածություններին», - նշված է Միխալկոյի հետ հանդիպման ավարտին Ադրբեջանի ԱԳՆ տարածած հայտարարության մեջ։
Ադրբեջանի արտաքին քաղաքական գերատեսչության փոխանցմամբ՝ «հանդիպման ընթացքում ընդգծվել է, որ հակառակ բարձրաձայնված այն պնդմանը, որ Հայաստանում ԵՄ առաքելությունը պետք է նպաստի տարածաշրջանում կայունության, ինչպես նաև Ադրբեջանի և Հայաստանի միջև վստահության հաստատմանը, այն լայնորեն օգտագործվում է որպես հակաադրբեջանական քարոզչության գործիք»։
Ադրբեջանի ԱԳՆ հայտարարությունից դատելով՝ Բաքվին նյարդայնացնում են հատկապես Երևան ժամանող եվրոպացի պաշտոնյաների այցերը սահման, որոնց ընթացքում նրանց ուղեկցում են Հայաստանում տեղակայված եվրոպացի դիտորդները։
«ԵՄ ուշադրությունն է հրավիրվել այն հանգամանքի վրա, որ [դիտորդական] առաքելությունը ըստ էության «հեռադիտակային դիվանագիտության» գործակալի է վերածվել՝ կազմակերպելով եվրոպական պաշտոնական և ոչ պաշտոնական պատվիրակությունների այցերը սահմանային շրջաններ։ Առանց բացառության նմանատիպ բոլոր այցելությունները օգտագործվել են հակաադրբեջանական ատելության և անհիմն ադրբեջանատյացության տարածման համար», - նշում է այդ երկրի ԱԳՆ-ը՝ չհստակեցնելով, սակայն, իրենց բնորոշած «հեռադիտակային դիվանագիտության» կոնկրետ դեպքերը։
Նյութի շարունակությունը՝ Ազատություն ռ/կ
