Մեր մտքերը հատկապես Լեռնային Ղարաբաղի մեր հայրենակիցների հետ են. Ֆրանսիայում ՀՀ դեսպանության ուղերձը

Ամանորի առթիվ շնորհավորական ուղերձ է հղել Ֆրանսիայում Հայաստանի դեսպանությունը.

«Ֆրանսիայում Հայաստանի դեսպանությունը շնորհավորում է հայ ժողովրդի ֆրանսիացի բարեկամներին և մեր հայրենակիցներին Ամանորի առթիվ։ Թող 2024 թվականը իր հետ բերի խաղաղություն, բարեկամություն, բարգավաճում, համերաշխություն և հույս։

Մեր մտքերը հատկապես Լեռնային Ղարաբաղի մեր 150 000 հայրենակիցների հետ են, ովքեր այս Ամանորը դիմավորում են իրենց օջախներից և բազմահազարամյա հայրենի հողից հեռու»։