Շանթ Սարգսյանը Լևոն Արոնյանի հետ բաժանեց 27-45-րդ տեղերը. արագ շախմատի աշխարհի առաջնություն
Աջակցիր «Ա1+»-ինՍամարղանդում ավարտվեց արագ շախմատի աշխարհի առաջնությունը:
Նորվեգացի գրոսմայստեր Մագնուս Կառլսենը 13 հնարավորից վաստակելով 10 միավոր, 5-րդ անգամ նվաճեց արագ շախմատի աշխարհի չեմպիոնի կոչումը: Նրանից կես միավորով ետ մնաց սլովենցի Վլադիմիր Ֆեդոսեևը:
Հայաստանի շախմատիստներից բոլորից հաջող հանդես եկավ Շանթ Սարգսյանը, որը վաստակեց 8 միավոր և բաժանեց 27-45-րդ տեղերը: Նույնպիսի արդյունք ցույց տվեց ԱՄՆ-ն ներկայացնող հայազգի շախմատիստ Լևոն Արոնյանը:
Կանանց առաջնությունում հաղթեց ռուսաստանցի Անաստասյա Բոդնառուկը, որը 11 հնարավորից վաստակեց 8,5 միավոր և միայն լրացուցիչ ցուցանիշներով առաջ անցավ հնդկուհի Հումպի Կոներուից ու չինուհի Տին Ջիե Լեյից:
Հայաստանի պատվիրակներից առավել հաջող հանդես եկավ գրոսմայստեր Էլինա Դանիելյանը, որը 6,5 միավորով կիսեց 26-36-րդ տեղերը:
Վաղն այստեղ կմեկնարկի կայծակնային շախմատի աշխարհի առաջնությունը: Տղամարդիկ կանցկացնեն 21, իսկ կանայք 17 պարտիա:
