A
A
Մեկ արծաթե եւ բրոնզե մեդալ
Թուրքիայի մայրաքաղաք Անկարայի «Արենա» մարզապալատում ընթացող World Children's Games փառատոնի ծրագրով ձյուդոյի մրցումների առաջին օրը մեր դեռահասների հավաքականը նվաճեց մեկական արծաթե եւ բրոնզե մեդալ: Այդ մասին տեղեկացնում է Հայաստանի ձյուդոյի ֆեդերացիայի մամուլի ծառայությունը:
38 կգ քաշային կարգում չարենցավանցի Էդգար Գառնիկյանը հաղթելով 2 գոտեմարտերում, մտավ եզրափակիչ, որտեղ միավորներով պարտվեց ռումինացի մարզիկին: 42 կգ քաշային կարգում հանդես եկող երեւանցի Գոռ Հակոբյանը երկրորդ փուլում պարտվեց ռուս մրցակցին, սակայն սփոփիչ մենամարտում 10:0 հաշվով հաղթելով իր ախոյանին, արժանացավ բրոնզե մեդալի:
46 կգ քաշային կարգում Սամվել Խաչատրյանը բավարարվեց 5-րդ տեղով:
Ապրիլի 29-ին տատամի կմտնեն 50, 55, 60, +60 կգ քաշային կարգի ձյուդոյիստները:
