ՈՒԵՖԱ-ն հետաձգել է Եվրո-2024-ի Իսրայել – Շվեյցարիա հանդիպումը

Եվրոպայի ֆուտբոլային միությունը՝ ՈւԵՖԱ-ն, ելնելով Իսրայելում տիրող ներկա իրավիճակից, որոշել է առաջիկա երկու շաբաթվա ընթացքում հետաձգել այդ երկրում նախատեսված բոլոր հանդիպումները։ Այդպիսով, հետաձգվել են հետևյալ խաղերը.

ԵՎՐՈ-2024

12.10. Իսրայել - Շվեյցարիա

2025թ Եվրոպայի Մ-21 առաջնություն

12.10. Իսրայել – Էստոնիա

17.10. Իսրայել - Գերմանիա

2024թ Եվրոպայի Մ-17 առաջնություն

11.10.-17.10.՝ մինի մրցաշար Իսրայելի, Բելգիայի, Ջիբրալթարի և Ուելսի հավաքականների մասնակցությամբ

ՈւԵՖԱ-ն առաջիկա օրերին կորոշի նաև, արդյոք ԵՎՐՈ-2024-ի ընտրական փուլի Կոսովո-Իսրայել հանդիպումը կկայանա նախատեսված օրը՝ հոկտեմբերի 15-ին, թե այն նույնպես կհետաձգվի:

Հիշեցնենք, որ հոկտեմբերի 7-ի առավոտյան պաղեստինյան ՀԱՄԱՍ խմբավորումը լայնածավալ հարձակում է սկսել Իսրայելի դեմ, որն ուղեկցվել է հրթիռային ակտիվ հարվածներով: