Կանադան հանձնառու է աջակցել ԼՂ հակամարտության խաղաղ լուծմանը. Միրզոյանը բարձր է գնահատել ՀՀ-ում Կանադայի ներկայությունը

Կանադայի արտգործնախարար Մելանի Ջոլին հայտարարել է՝ Կանադան հանձնառու է աջակցել Լեռնային Ղարաբաղի հակամարտության խաղաղ քաղաքական լուծմանը, Հայաստանի ԱԳ նախարար Արարատ Միրզոյանն էլ իր կողմից բարձր է գնահատել Հայաստանում ԵՄ քաղաքացիական առաքելության մաս դառնալու Կանադայի որոշումը: 

We truly appreciate #Canadas contribution & presence in #Armenia for the sake of peace & stability in our region as well as for enhancement of bilateral relations based on shared commitment to democratic principles. https://t.co/2HoBFBZrWX

— Ararat Mirzoyan (@AraratMirzoyan) July 21, 2023

Մելանի Ջոլին «Թվիթեր»-ի իր էջում գրել է. «Կանադան հանձնառու է աջակցել Լեռնային Ղարաբաղի հակամարտության խաղաղ քաղաքական լուծմանը և տարածաշրջանում կայունության ապահովմանը։ Այդ իսկ պատճառով մենք մեծացրել ենք մեր «հետքը» տարածաշրջանում։ Այժմ մենք հայտարարում ենք, որ Կանադան մասնակցություն է ունենալու Հայաստանում ԵՄ առաքելությանը»:

Հայաստանի ԱԳ նախարար Արարատ Միրզոյանն էլ «Թվիթեր»-ի իր էջում անդրադարձել է այս գրառմանը: