Լիոնել Մեսսին ժամանակից շուտ վերսկսեց մարզումները
Աջակցիր «Ա1+»-ինԱրգենտինացի հարձակվող Լիոնել Մեսսին համաձայնության է եկել «ՊՍԺ»-ի ղեկավարության հետ, ըստ որի նրան թույլատրել են վերադառնալ մարզումներին։ Այդ մասին հայտնում են RMC Sport-ը։
Հիշեցնենք, որ «ՊՍԺ»-ի ղեկավարությունը Լիոնել Մեսսիին 2 շաբաթով զրկվել էր մարզումներից՝ ինքնակամ Սաուդյան Արաբիա մեկնելու համար:
Փարիզ վերադառնալուց հետո արգենտինացին հանդիպել էր «ՊՍԺ»-ի նախագահ Նասեր Ալ-Խելայիֆիի հետ։ Վերջինս պահանջել էր հրապարակավ ներողություն խնդրել՝ մարզումներին ավելի շուտ վերադառնալու համար։ Լիոնել Մեսսին արդեն մայիսի 5-ին կատարել էր ակումբի նախագահի պահանջը, սակայն միայն այսօր է իրավունք ստացել միանալ թիմակիցներին և պատրաստվել առաջիկա խաղին։
Ֆրանսիայի առաջնության 35-րդ տուրում «ՊՍԺ»-ն իր հարկի տակ կընդունի «Այաչոյին»։ Փարիզյան ակումբը 78 միավորով գլխավորում է մրցաշարային աղյուսակը։