Իրավիճակն իսկապես բարդ է. Պեսկովը՝ Լաչինում Ադրբեջանի կողմից անցակետի տեղադրման մասին
Աջակցիր «Ա1+»-ինԱդրբեջանի կողմից Լաչինի միջանցքում անցակետի տեղադրումը պահանջում է լրացուցիչ միջնորդական ջանքեր Ռուսաստանի Դաշնության կողմից: Մոսկվան կշարունակի նպաստել Ռուսաստանի, Ադրբեջանի և Հայաստանի ղեկավարների միջև եռակողմ պայմանավորվածությունների իրականացմանը, որոնք մնում են անվիճելի։
Այս մասին այսօր լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
Մեկնաբանելով Լաչինի միջանցքում Ադրբեջանի կողմից անցակետի տեղադրումը՝ Պեսկովը նշել է, որ «իրավիճակն իսկապես բարդ է, պահանջում է լրացուցիչ ջանքեր և ըմբռնում Երևանի և Բաքվի կողմից, այլընտրանք չկա դրա իրականացմանը՝ Ռուսաստանի, Ադրբեջանի և Հայաստանի ղեկավարների եռակողմ համաձայնագրերը»:
Նրա խոսքով՝ Ռուսաստանը շարունակում է իր միջնորդական ջանքերը, հիմնականում՝ երկու տարի առաջ ստորագրված եռակողմ փաստաթղթերի բոլոր դրույթները կյանքի կոչելու ուղղությամբ. «Ռուսաստանը կշարունակի աշխատել այդ ուղղությամբ Երևանի և Բաքվի հետ միասին: Մենք շարունակում ենք շփումները»:
