A
A
Հայաստանի աթլետները կմասնակցեն Եվրոպայի ձմեռային առաջնությանը
Աջակցիր «Ա1+»-ինՄրցումները կսկսեն մարտի 2-ին։
Մարտի 2-ին Ստամբուլում մեկնարկող Եվրոպայի աթլետիկայի ձմեռային առաջնությունում Հայաստանից հանդես կգան եռացատկորդներ Լևոն Աղասյանը և Յանա Սարգսյանը: Այդ մասին տեղեկացնում է ՀԱՕԿ-ի կայքը։
Նրանք մրցավայր են մեկնել իրենց անձնական մարզիչ, վաստակավոր մարզիչ Արսեն Պետրոսյանի ուղեկցությամբ: Մարտի 2-ին տեղի կունենա տղամարդկանց եռացատկի որակավորման մրցումները։ Եզրափակիչ փուլը կկայանա հաջորդ օրը։
Մարտի 3-ին առավոտյան պայքարը կսկսեն կին եռացատկորդները։ Նրանք մեդալները կխաղարկեն մարտի 4-ին։
Եվրոպայի աթլետիկայի ձմեռային առաջնությունում ընդհանուր առմամբ հանդես կգան 47 երկրների 593 մարզիկ – մարզուհի:
