Ուկրաինայում ՀՀ դեսպանատունը հայտնում է, որ այսօր դեսպան Վլադիմիր Կարապետյանը հանդիպել է Կիևի փոխքաղաքապետ Վլադիմիր Բոնդարենկոյի հետ:

 

Վ. Բոնդարենկոն նշել է, որ մեր սերնդի վրա հատուկ պատասխանատվություն կա զարգացնելու հայ-ուկրաինական պատմական արմատներ ունեցող բարեկամությունը։

 

Զրուցակիցները խոսել են Երևանի և Կիևի համագործակցության խորացման հնարավորության մասին, քննարկվել է մշակութային և տեղեկատվական ոլորտում իրականացվելիք առաջիկա ծրագրերը։

 

Խոսք է գնացել նաև Կիևում ՀՀ դեսպանատան նոր շենքի կառուցման հետ կապված

խնդիրների մասին։ Կիևի փոխքաղաքապետը խոստացել է քաղաքային իշխանությունների աջակցությունը ՀՀ դեսպանությանը։