«Միլանի» լեգենդը մեղադրվում է պայմանավորված խաղերի մեջ
Աջակցիր «Ա1+»-ինԼիսաբոնի ոստիկանությունը շարունակում է պաշտոնական հետաքննությունը «Բենֆիկայի» հետ կապված պայմանավորված խաղերի վերաբերյալ, որոնք, ըստ հետաքննության, տեղի են ունեցել 2016-2020 թվականներին: Գործով գլխավոր մեղադրյալներից մեկը ակումբի նախկին նախագահ Լուիշ Ֆելիպե Վիեյրան է, որը 2021 թվականին լքել է իր պաշտոնը, իսկ այժմ կալանքի տակ է։
Կասկածյալներից է նաև «Միլանի» և «Ֆիորենտինայի» լեգենդար խաղացող Ռուի Կոշտան, որը փոխարինել է Վիեյրային «Բենֆիկայի» նախագահի պաշտոնում: Միլանցիները նախկին կիսապաշտպանը, հնարավոր է, ներգրավված է եղել 2020 թվականին պայմանավորված խաղերին՝ որպես ակումբի փոխնախագահ:
«Բենֆիկայի» ղեկավարության հանդեպ հնչող մեղադրանքները հիմնված են կոտրված էլ.փոստի տեղեկատվության հիման վրա։ Ակումբը հայտարարել է, որ պատրաստ է հետաքննությանը տրամադրել անհրաժեշտ բոլոր տվյալները։
Ռուի Կոշտան իր խաղային կարիերան ավարտելուց հետո աշխատանքի է անցել «Բենֆիկայի» համակարգում։ 2008թ ի վեր թիմը նրա հետ դարձել է Պորտուգալիայի վեցակի չեմպիոն, կրկնակի գավաթակիր, յոթ անգամ հաղթել է Լիգայի գավաթում, չորս՝ Սուպերգավաթում։