Հայտնի է 2022թ լավագույն երիտասարդ ֆուտբոլիստը
Աջակցիր «Ա1+»-ինՖուտբոլի պատմության և վիճակագրության միջազգային ֆեդերացիան 2022 թվականի լավագույն երիտասարդ ֆուտբոլիստ է ճանաչել Անգլիայի հավաքականի և Դորտմունդի «Բորուսիայի» խաղացող Ջուդ Բելինգհեմին։
19-ամյա անգլիացին վաստակել է 115 միավոր։ Երկրորդ տեղում գերմանացի Ջամալ Մուսիալան է, իսկ լավագույն եռյակը եզրափակել է խորվաթ պաշտպան Յոշկո Գվարդիոլը։
Նախորդ տարի լավագույն երիտասարդ ֆուտբոլիստ էր ճանաչվել «Բարսելոնայի» հարձակվող Պեդրին, որն այս անգամ զբաղեցրել է վեցերորդ հորիզոնականը։
Ի դեպ, Ջուդ Բելինգհեմը Մադրիդի «Ռեալի» գլխավոր տրանսֆերային նպատակներից է։ Իսպանական ակումբը պատրաստ է նրա համար վճարել մոտ 100 միլիոն եվրո։ Ֆուտբոլիստով հետաքրքրվում է նաև անգլիական «Լիվերպուլը»:
2022 թվականի մինչև 20 տարեկան թոփ 5 լավագույն խաղացողները
Ջուդ Բելինգհեմ (Անգլիա, «Բորուսիա Դ») – 115 միավոր
Ջամալ Մուսիալա (Գերմանիա, «Բավարիա») - 95
Յոշկո Գվարդիոլ (Խորվաթիա, «Լայպցիգ») – 55
Գավի (Իսպանիա, «Բարսելոնա») - 35
Էդուարդո Կամավինգա (Ֆրանսիա, «Ռեալ», Մադրիդ) – 30
