Շանթ Սարգսյանը 3-րդն է կայծակնային շախմատի Եվրոպայի առաջնությունում

Աջակցիր «Ա1+»-ին

Լեհաստանի Կատովիցե քաղաքում այսօր մեկնարկեց կայծակնային և արագ շախմատի Եվրոպայի բաց առաջնությունը, որին մասնակցում են 41 երկրների 877 շախմատիստ-շախմատիստուհի:

Այսօր կայացել է կայծակնային շախմատի մրցաշարը: Հայաստանը ներկայացնող գրոսմայստեր Շանթ Սարգսյանը 22 հնարավորից վաստակելով 17,5 միավոր, բաժանել է 1-3-րդ տեղերը: Լրացուցիչ գործակիցներով նա զբաղեցրել է 3-րդ տեղը:

Մեր մյուս գրոսմայստերտ՝ Ռոբերտ Հովհաննիսյանը, 16,5 միավորով կիսել է 9-14-րդ հորիզոնականները: Լրացուցիչ ցուցանիշներով նա գրավել է 9-րդ հորիզոնականը:

Դեկտեմբերի 17-18-ը կանցկացվի արագ շախմատի Եվրոպայի առաջնությունը, որին կմասնակցեն 40 երկրների 968 շախմատիստ-շախմատիստուհի: Հայաստանը դարձյալ կներկայացնեն Ռոբերտ Հովհաննիսյանն ու Շանթ Սարգսյանը: