Մենք նորից ազգովի քննություն ենք հանձնում․ Արամ Սարգսյան
Աջակցիր «Ա1+»-ին«Հանրապետություն» կուսակցության ղեկավար Արամ Սարգսյանի շնորհավորական ուղերձը ՀՀ անկախության օրվա առթիվ․
«Անկախությունը անսակարկ արժեք է, անկախությունը պետության գոյության առաջին պայմանն է:
Հայաստանի Հանրապետության անկախության երրորդ տասնամյակում մենք նորից ազգովի քննություն ենք հանձնում՝ մեր անկախության ու մեր անվտանգության պաշտպանության մեր կամքի ու կարողության:
Համոզված եմ, որ թշնամու ոչ մի ագրեսիա, ոչ մի պատերազմ մեր կամքը չեն կոտրելու ու մեր պաշտպանունակությունը օրեցօր մեծանալու է: Հայաստանի Հանրապետությունը ժողովրդավար երկիր է, ուստի ոչ մի բռնապետություն, որտեղ էլ լինի, չի կասեցնելու մեր ընթացքը դեպի զարգացում ու դեպի մեր բանակի ապահոված խաղաղություն:
Շնորհավորում եմ բոլորիս՝ անկախության տոնը, որ միանշանակ ավելի պաշտպանված է դառնում մեր իրական բարեկամների աջակցությամբ և նախադրյալներ է ստեղծում, որ վերջապես 21-րդ դարը մերը դառնա»:
