ՀՀ-ում հողերի 80 տոկոսը տարբեր պատճառներով դեգրադացված է (տեսանյութ)
Աջակցիր «Ա1+»-ինՀայաստանի համար հողային ռեսուրսների պահպանությունը պարենային անվտանգության տեսանկյունից կարևոր նշանակություն ունի։ Սակայն տարիներ շարունակ հողերն անտեսվել են որպես կայուն զարգացման բաղադրիչ:
Հողերը դեգրադացվում են մարդու ոչ խելամիտ տնտեսական գործունեության հետևանքով կամ բնական ճանապարհով՝ էրոզիայի, ճահճացման, օգտակար հանածոների ոչ ռացիոնալ արդյունահանման, արդյունաբերական ձեռնարկությունների, հողերի քիմիական աղտոտման և այլ պատճառներով։
Ըստ մասնագետների ՝ Հայաստանում հողի դեգրադացման պատճառ է հանդիսանում նաև գյուղատնտեսական սխալ գործունեությունը և տնտեսվարողների անտարբերությունը մասնագիտական հետազոտությունների հանդեպ։
Դեգրադացման պատճառներից է նաև գյուղատնտեսական գործունեության համար պիտանի հողերի չոռոգելը, իսկ որոշ դեպքերում ոչ արդյունավետ ոռոգման համակարգ ընտրելը։
Մանրամասները՝ տեսանյութում