A
A
Բեռնատարների վարորդները բացել են Սիսիան-Գորիս ճանապարհը
Աջակցիր «Ա1+»-ինՍիսիան-Գորիս ճանապարհի բնականոն երթևեկությունը վերականգնվել է, հայտնում է Սյունիքի մարզպետարանը: Բեռնատարների վարորդները երեկ փակել էին մայրուղին` պահանջելով փոխել բեռնատարների թույլատրվող առավելագույն քաշը և չիրականացնել սռնիների կշռում։
Ըստ մարզպետարանի հաղորդագրության` երեկ կեսօրից մինչ այս պահը մարզպետը, ոստիկանության պաշտոնյաներ գտնվել են Մ2 միջպետական մայրուղում և զրուցել բեռնատարի վարորդների հետ:
Օրեր առաջ, երբ բեռնատարների վարորդները առաջին անգամ էին փակել մայրուղին, նրանց հանդիպել էր տարածքային կառավարման և ենթակառուցվածքների նախարար Գնել Սանոսյանը՝ խոստանալով հանդիպում կազմակերպել խնդրի վերաբերյալ։ Փոխարենը, վարորդները բացել էին ճանապարհը։
