Բացել լրահոսը Փակել լրահոսը
rain summer
A A
Պաշտոնական

Սպասվում է կարճատև անձրև և ամպրոպ․ 6-8 աստիճանով զովանալու է

Հանրապետության հովտային և նախալեռնային գոտիներում բարձր կարգի հրդեհավտանգ իրավիճակը կպահպանվի: 

Մայրաքաղաքում այսօր ցերեկը, օգոստոսի 2-4-ը սպասվում է առանց տեղումների եղանակ: Օգոստոսի 5-ի, 6-ի երեկոյան ժամերին և գիշերը սպասվում է կարճատև անձրև և ամպրոպ, երեկոյան ժամերին և ամպրոպի ժամանակ սպասվում է քամու ուժգնացում՝ 15-20մ/վ արագությամբ: 

Մարզերում այսօր կեսօրից հետո, օգոստոսի 2-4-ի գիշերը և կեսօրից հետո առանձին շրջաններում, օգոստոսի 5-ի, 6-ի գիշերը և կեսօրից հետո շրջանների զգալի մասում սպասվում է կարճատև անձրև և ամպրոպ: Քամին՝ հարավարևմտյան 2-5մ/վ, երեկոյան ժամերին և ամպրոպի ժամանակ սպասվում է քամու ուժգնացում 15-20մ/վ։ Օդի ջերմաստիճանն օգոստոսի 5-ին և 6-ին կնվազի 6-8 աստիճանով:

Արցախում այսօր և վաղը սպասվում է առանց տեղումների եղանակ՝ հայտնում է Հիդրոօդերևութաբանության և մոնիթորինգի կենտրոն։