Ճնշում չափելով` գլխուղեղի խնդիրները չեք կարող ախտորոշել. Վերմիշյանի պաշտպան
Աջակցիր «Ա1+»-ինՎահագն Վերմիշյանի պաշտպան Ալեքսանդր Կոչումբարը առողջական վիճակի վերաբերյալ նոր զարգացումներն է ներկայացրել․
«Հենց նոր խոսեցի Վահագն Վերմիշյանի հետ և տեղեկացա, որ Վ. Վերմիշյանը հիվանդանոց տեղափոխվելու դիմում է ներկայացրել ՔԿՀ, սակայն դիմումի ընթացքը չի ապահովվում: Արվում է ամեն ինչ, որպեսզի քողարկվի առողջական վիճակի սրացումները:
ՀՀ արդարադատության նախարարությանը կոչ եմ անում անիմաստ տեքստեր հրապարակելու փոխարեն ապահովել Վ. Վերմիշյանի տեղափոխությունը հիվանդանոց, ճնշում չափելով` գլխուղեղի խնդիրները չեք կարող ախտորոշել»:
Հիշեցնենք, որ Քաղաքաշինության կոմիտեի նախագահի պաշտոնը զբաղեցրած Վահագն Վերմիշյանը մեղադրվում է կոռուպցիոն չարաշահումների և հովանավորչության հանցակազմով։ Հուլիսի 25-ին կայացած դատական նիստի ժամանակ նրա ինքնազգացողությունը վատացել էր։
