Բացել լրահոսը Փակել լրահոսը
3368647e-6eb6-4246-b6cd-8c9750ef2a14_w1023_r1_s
A A
Քաղաքականություն

Ռուսաստանի ծովային շրջափակումը Ուկրաինային կարող է հանգեցնել ցորենի համաշխարհային ճգնաժամի (տեսանյութ)

ՌԴ արտգործնախարար Սերգեյ Լավրովը չորեքշաբթի կայցելի Թուրքիա: Օրակարգում է սևծովյան միջանցքի ստեղծման հարցը, որը թույլ կտա ուկրաինական հացահատիկը ներմուծել համաշխարհային շուկա: Արևմտյան տերություններն այսօր ճնշում են գործադրում Անկարայի վրա՝ պահանջելով Ուկրաինայի շրջափակումը վերացնելու նպատակով բացել Սևծոովյան նեղուցները ՆԱՏՕ-ի նավերի համար

Ոչ վաղ անցյալում ուկրաինական ցորենը մատակարարվում էր համաշխարհային շուկա նավերի միջոցոով, որոնք անցնում էին Ստամբուլի Բոսֆորի նեղուցով: Այսօր այս ուղին փակվել է Ռուսաստանի կողմից` Ուկրաինան ծովային շրջափակման ենթարկելու համար, արդյունքում հացահատիկի գները հասնում են ռեկորդային մակարդակի՝ առաջացնելով նոր տնտեսական ցնցումներ:

Վերլուծաբան Յորուկ Իշիկը շեշտում է՝ Լիբանան ներմուծվող ցորենի 75 տոկոսը 2020 թվականին գալիս էր Ուկրաինայից: Այսպիսով, ըստ նրա, Լիբանանի նման երկիրը, որտեղ արդեն ֆինանսական ճգնաժամ է, առերեսվում է մեկ այլ մեծ ճգնաժամի:

Համաշխարհային պարենային ճգնաժամի սպառնալիքը դրդում է ՆԱՏՕ-ի որոշ երկրներին միջամտել իրավիճակին:

Ռուսաստանի արտգործնախարար Սերգեյ Լավրովի և թուրք պաշտոնյաների միջև քննարկումները մասամբ կկենտրոնանան սևծովյան միջանցքի ստեղծման խնդի վրա, որը թույլ կտա ուկրաինական հացահատիկը հասցնել համաշխարհային շուկա:

Անկարան ասում է, որ նման գործարքը կարող է կանխել ՆԱՏՕ-ի և Ռուսաստանի միջև առճակատման վտանգը: