Առաջին Հանրապետությունից չսերտած դասերը (տեսանյութ)
Աջակցիր «Ա1+»-ին104 տարի առաջ այս օրը՝ մայիսի 28-ին, Հայոց ազգային խորհուրդը հայտարարեց անկախ Հայաստանի Հանրապետության ստեղծման մասին: Առաջին հանրապետությունը հիմնադրվեց հայ ժողովրդի պատմության թերևս ամենածանր շրջանում՝ Հայոց ցեղասպանությունից հետո, երբ ունեինք գոյապահպանման խնդիր և հազարավոր գաղթականներ:
«Մայիսի 28-ը մեր պատմության ամենամեծ տոնն է։ Հեռու չէ այն օրը, երբ մայիսի 28-ը կտոնվի իբրև համազգային անհերքելի ամենամեծ տոն, և ամեն հայ երկյուղածորեն պետք է խոնարհվի այդ տոնի առջև»։
Սա ՀՀ առաջին վարչապետ Հովհաննես Քաջազնունու խոսքերն են:
Առաջին հանրապետությունը թեև շատ կարճ կյանք ունեցավ, բայց դարձավ հայ ժողովրդի վերածննդի և անկախ պետություն կերտելու երազանքի հենքը:
Այսօր էլ հետպատերազմական Հայաստանը պատմական ծանր փուլում է: Հաճախ են զուգահեռներ տանում այսօր տեղի ունեցող պրոցեսների և մեկ դար առաջ կատարվածի միջև, երբ հայ ժողովուրդը կրկին գոյության կռիվ էր մղում:
Որքանո՞վ են իրատեսական խոսակցությունները, որ Հայաստանը կարող է կորցնել պետականությունը՝ գործող վարչախմբի կողմից վարվող քաղաքականության կամ գերտերությունների գործարքների ու շահերի արդյունքում։
Որքան էլ տարօրինակ է՝ դժվարությունների պահին միութենական հանրապետության գաղափար կարող է առաջ քաշվել մի հասարակության մեջ, որը ամեն առիթով հիշում է, որ ժամանակին Հայաստանը ծովից ծով էր։
Region 5+-ի առանցքում մայիսյան հաղթանակների պատմությունն ու Հայաստանի անվտանգային նորահայտ խնդիրներն են ։
