Թուրքիայի անվտանգության խորհուրդը վաղը կգումարի այս տարվա երկրորդ նիստը
Աջակցիր «Ա1+»-ինՌեջեփ Թայիփ Էրդողանի գլխավորությամբ Թուրքիայի անվտանգության խորհրուրդը մայիսի 26-ին գումարելու է այս տարվա 2-րդ նիստը, գրում է ermenihaber-ը։
Սպասվում է, որ նիստի ընթացքում կքննարկվեն Հյուսիսատլանտյան դաշինքին (ՆԱՏՕ) Շվեդիայի և Ֆինլանդիայի անդամակցության դիմումների համատեքստում Թուրքիայի որդեգրած դիրքորոշումը, ինչպես նաև Ռուսաստան-Ուկրաինա պատերազմը և Թուրքիայի միջնորդական գործողությունները։
Նշվում է, որ օրակարգում ընդգրկված մեկ այլ կարևոր հարց է լինելու «Հունաստանի՝ զինմանն ուղղված գործողություններն» ու Էգեյան ծովում, Կիպրոսում և Արևելյան Միջերկրականում տեղի ունեցող զարգացումները։
Քննարկվելու են նաև թուրքական զինուժի կողմից Իրաքի հյուսիսում իրականցվող «Մագիլ-կողպեք» ռազմագործողությունը, ինչպես նաև Թուրքիայի հարավային սահմաններում անվտանգ գոտի ստեղծելու համար տարվող աշխատանքներն ու անդրսահմանային նոր օպերացիաները։
Հիեցնենք, որ Թուրքիայի նախագահ Թայիփ Էրդողանը մայիսի 23-ին կառավարության նիստի ավարտից հետո հայտարարել էր, որ առաջիկայում նոր ռազմական գործողություն են սկսելու Սիրիայում:
«Առաջիկայում մենք կսկսենք նոր քայլեր ձեռնարկել մեր հարավային սահմանների երկայնքով 30 կմ խորությամբ կիսատ մնացած հատվածներում անվտանգություն գոտիներ ստեղծելու համար»,-ասել էր նա։