Հայաստանի շախմատիստները երկու հաղթանակ տարան մեկնարկում

Իսպանիայում առաջին անգամ անցկացվող շախմատի «Մենորկա Օփեն-2022» մրցաշարում հաջող են մեկնարկել Հայաստանի շախմատիստներ Շանթ Սարգսյանն ու Հայկ Մարտիրոսյանը: Նրանք տոնել են երկու անընդմեջ հաղթանակ և այժմ ընթանում են առաջատարների խմբում: Հատկապես տպավորիչ էր Հայկ Մարտիրոսյանի հաղթանակը գերմանացի Պասկալ Բազենի նկատմամբ, որը տևեց մոտ չորս ժամ և ավարտվեց 63-րդ քայլում:

Նշենք, որ մրցաշարն անցկավում է շվեյցարական մրցակարգով և բաղկացած է 7 տուրից: Մրցանակային հիմնադրամը կազմում է 8000 եվրո:

Այսօր երեկոյան արդեն կկայանա 3-րդ տուրը: Արդյոք մեր շախմատիստները կշարունակեն հաղթարշավը, ցույց կտան առաջիկա պարտիաները: