ՀՀ Վարչական վերաքննիչ դատարանում մեկնարկեց Ռոբերտ Քոչարյանի հայցն ընդդեմ Նիկոլ Փաշինյանի։

 

Հիշեցնենք, որ արտահերթ խորհրդարանական ընտրությունների քարոզարշավի ժամանակ Նիկոլ Փաշինյանն ասել էր, որ 2.4 մլրդ դոլարով պետք է ավելանա պաշտպանության բյուջե, որից 1.2 մլրդ պետք է վերադարձվի թալանված գումարը, և այդ ժամանակ հնչել է Ռոբերտ Քոչարյանի անունը։

 

Ըստ հայցվոր կողմի՝ քարոզարշավի ընթացքում հնչած պնդումները զրպարտություն է և այս առնչությամբ դիմել է դատարան։ Հայկ Ալումյանը՝ հայցվոր կողմի՝ ՀՀ երկրորդ նախագահ Ռոբերտ Քոչարյանի ներկայացուցիչը, դատական նիստի մեկնարկին պնդեց, որ իրենց պահանջը չի փոխվել և ներկայացրեց հայցվոր կողմի դիրքորոշումը՝ բերելով ապացույցներ գործի հանգամանքների առնչությամբ՝ ակնկալելով, որ հայցը կբավարարվի։

 

Պատասխանող կողմի՝ ՀՀ վարչապետ Նիկոլ Փաշինյանի ներկայացուցիչ Գևորգ Գյոզալյանը հարցեր չուներ, բայց արձագանքի ժամանակ նշեց, որ իր վստահորդը՝ Նիկոլ Փաշինյանը, թիրախավորված է։

 

Գևորգ Գյոզալյանը նշեց, որ իր կողմից ներկայացրած ապացույցները՝ Ռոբերտ Քոչարյանի ձեռք բերած գույգի վերաբերյալ օրինական են , և հայցվոր կողմի պնդումները տեղին չեն։

 

Պատասխանող կողմն էլ պնդում է, որ պետք է հարցը մերժել և բերում է փաստեր Ռոբերտ Քոչարյանի նախագահ եղած ժամամակվա ստացած աշխատավարձի վերաբերյալ՝ նշելով, որ նրա նախագահության տարիներին Ռոբերտ Քոչարյանի ունեցվածքը բավականին աճել է, և որպես օրինակ բերում մի քանի հրապարակումներ մամուլում, որտեղ մատնանշվում է Ռոբերտ Քոչարյանի ունեցվածքը։ 

 

Գևորգ Գյոզալյանը այս համատեքստում նշում է, որ վերը նշված հոդվածների առնչությամբ հայցվոր կողմը, երբեք նմանօրինակ հայց չի ներկայացրել։ Որպես ապացույց Նիկոլ Փաշինյանի ներկայացուցիչը մանրամասներով ներկայացրեց Ռոբերտ Քոչարյանի զավակների ունեցվածքը։

 

Նիկոլ Փաշինյանի ներկայացուցչի խոսքով՝ իր վստահորդի հրապարակային արված արտահայտությունմերը՝ «կոպեկ-կոպեկ թալանածը պետք

է վերադարձնեք» և այլն քաղաքական դատողական գնահատականներ են։ Ըստ Գևորգ Գյոզալյանի՝ հրապարակային խոսք է հնչել, որին համարժեք արձագանք է եղել, և այստեղ պետությունը՝ ի դեմս դատարանի, քիչ անելիք ունի։

 

Դատարանը լսեց կողմերին և հետաձգեց դատական նիստը այլ դատական նիստի գնալու հետ կապված և նախնական որոշվեց հաջորդ դատական նիստն անցկացնել հուլիսի 6-ին։