A
A
Համագործակցությունը շարունակվում է
Հայ շախմատիստները Լեւոն Արոնյանը եւ Սերգեյ Մովսիսյանը այս օրերին Բեռլինում համատեղ ուսումնամարզումային հավաք են անցկացնում: Այդ մասին տեղեկացնում է armchess.am կայքէջը։ Հարկ է նշել, որ նրանք վաղուց են համագործակցում միմյանց հետ եւ հաճախ են միասին մարզումներ անցկացնում:
Լեւոն Արոնյանը այժմ պատրաստվում է 2011 թվականի հունվարի 14-ին Հոլանդիայի Վեյկ ան Զեե քաղաքում մեկնարկող սուպերմրցաշարին, իսկ Սլովակիան ներկայացնող Սերգեյ Մովսիսյանը մասնակցելու է Իտալիայի Ռեջիո Էմիլիա քաղաքում անցկացվող գրոսմայստերական մրցաշարին, որը կսկսվի դեկտեմբերի 28-ին:
