«Հայաստանը ճամփաբաժանին. Ինքնիշխանության և ինքնիշխանության մարտահրավերներն ու հնարավորությունները» քննարկման ժամանակ փորձագիտական խումբը անդրադարձավ ներկա իրողությունների պայմաններում՝ ռուս-ուկրաինական հակամարտության, աշխարհաքաղաքան բարդ իրավիճակի ֆոնին Հայաստանում և Արցախում տեղի ունեցող իրադարձություններին և այս համատեքստում Հայաստանի վարած քաղաքականությանը՝ նրա ինքնիշխանության պահպանմանը։

«Ազատ քաղաքացի» հասարակական նախաձեռնությունների աջակցման կենտրոնի նախագահի խոսքով այն միջազգային կառույցները, ովքեր միշտ հանդես են եկել Հայաստանի շահերի պաշտպանությամբ այսօր վախենում են կարծիք հայտնել, որպեսզի իբր չվնասեն Հայաստանին, բայց ըստ Խուրշուդյանի՝ ընդհակառակը պետք է արձագանք լինի՝ հատկապես պատերազմից հետո։ Ըստ Արա Պապյանի՝ հայկական հարցը ունի լուծման մեկ ուղի՝ դա խաղաղ միջոցներով, փոխզիջումների ճանապարհով հետևողական աշխատանքի շնորհիվ արդյունքի հասնելու ուղին է։

Պապյանը նկատում է, որ Հայաստանի ներուժը միշտ զիջել և զիջելու է Թուրքիայի և Ադրբեջանի ներուժին և գտնում է, որ անհրաժեշտ է պայքարի և դիմակայությանն ողջ գործընթացը տեղափոխել այլ ոլորտ՝ ուր Հայաստանը ոչ միայն չի զիջում նրանց, այլև ունի շոշափելի առավելություն՝ այսինքն այդ հարաբերությունները տեղափոխել միջազգային իրավունքի դաշտ և առկա բոլոր խնդիրներին տալ իրավական ձևակերպումներ ու լուծումներ։ Խուրշուդյանի դիտարկմամբ՝ ինքնիշխանության տեսանկյունից միշտ էլ խնդրահարույց է եղել՝ արդյոք ինքնիշխանության, անկախության գաղափարը մաս է, թե՝ ոչ։ Մանրամասները՝ տեսանյութում։