A
A
Արցախից բերված ապօրինի զինամթերք է հայտնաբերվել (տեսանյութ)
Աջակցիր «Ա1+»-ինՄարտի 19-ին Վաղարշապատի քրեական հետախույզները ստացել էին տվյալներ, որ Դաշտ գյուղի 48-ամյա մի բնակիչ տանը պահում է ապօրինի զենք-զինամթերք: Նույն օրը իրավապահները խուզարկություն կատարեցին նրա տանը և կից շինություններում:
Հյուրասենյակի բազմոցի մեջից հայտնաբերվեցին որսորդական հրացաններ, իսկ նկուղի տեսանելի հատվածում՝ պոլիէթիլենային տոպրակ, որի մեջ նռնակ, նռնակի պայթուցիչ, տարբեր տրամաչափերի և հրազենների 325 փամփուշտ կար:
Ըստ տանտիրոջ`դրանք բերել էր Արցախյան վերջին պատերազմից հետո:
Նշանակվել է դատաձգաբանական փորձաքննություն, հանգամանքները պարզվում են:
