Երիտասարդ առաջնորդների եվրոպական ֆորումը ընդունում է հայտեր

Եվրոպական միության, Արևելյան գործընկերության և Արևմտյան Բալկանների երկրների երիտասարդ առաջնորդներին առաջարկվում է Երիտասարդ առաջնորդների եվրոպական ֆորումին մասնակցելու հայտ ներկայացնել։ Միջոցառումը տեղի է ունենալու 2022 թվականի ապրիլի 24-ից 27-ը Լեհաստանի Կատովիցե քաղաքում:
 
Ֆորումը մասնակիցներին հնարավորություն կտա քննարկել ներկա քաղաքական իրավիճակը, կիսվել փորձով և հաստատել նոր կապեր՝ հատուկ ուշադրություն դարձնելով Ուկրաինայի երիտասարդության իրավիճակին։ Ֆորումի մյուս թեմաներից են ՄԱԿ-ի Կայուն զարգացման 2030 օրակարգը և 2019-2027 թվականների եվրոպական երիտասարդական ռազմավարությունը, ինչպես նաև 2021-2027 թվականների ԵՄ երիտասարդական ծրագրերի թեմատիկ առաջնահերթությունները, ներառյալ ներառականությունը և բազմազանությունը, թվային փոխակերպումը, շրջակա միջավայրը և կլիմայի փոփոխության դեմ պայքարն ու մասնակցությունը ժողովրդավարական կյանքին:
 
Ֆորումը կանցկացվի հիբրիդային ձևաչափով, որին Կատովիցեում և առցանց կմասնակցեն 200 երիտասարդ առաջնորդներ:
 
Իմացիր ավելին