Գողություն «Դալմա Գարդեն մոլ»-ում. դիմակավորված, դանակներով զինված անձինք խանութ-սրահից հափշտակել են 2-2.5 մլն դրամ
Աջակցիր «Ա1+»-ինՄարտի 6-ին, դանակներով զինված, դիմակավորված ավազակային հարձակում է տեղի ունեցել Երևանում: Ժամը 12:30-ի սահմաններում ոստիկանության Մալաթիայի բաժին ահազանգ է ստացվել, որ ժամը 10:00-ից 10:30-ն ընկած ժամանակահատվածում դանակներով զինված, բժշկական դիմակներով դիմակավորված 2 քաղաքացի մտել են «Դալմա Գարդեն Մոլ» առևտրի կենտրոնում գործող հայտնի «Զառա» հագուստի սրահ:
Այս մասին հայտնում է Shamshyan.com-ը
Հանցագործները սպառնալիքներ են հնչեցրել ու հափշտակել 2-2,5 մլն դրամ, ապա դիմել փախուստի:
Փաստի առթիվ Մալաթիայի քննչական բաժնում ավազակային հարձակում կատարելու հատկանիշներով հարուցվել է քրեական գործ:
Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական համատեղ գործողություններ՝ հանցագործություն կատարած անձանց ինքնությունը պարզելու, նրանց և գողոնը հայտնաբերելու ուղղությամբ:
