Յուրի Վարդանյանը նախարար չի՞ դառնա
Վերջերս լուրեր են պտտվում, որ հայտնի ծանրորդ Յուրի Վարդանյանը հնարավոր է նշանակվի ՀՀ սպորտի եւ երիտասարդության հարցերի նախարար:
Ինչպես հայտնի է, այդ պաշտոնը ներկայումս զբաղեցնում է «Բարգավաճ Հայաստան» կուսակցության անդամ Արթուր Պետրոսյանը: Վերջինս մարզաշխարհի մարդ չէ, հետեւաբար նա պարզապես կատարում է իր կուսակցական առաջադրանքը:
Ըստ պտտվող լուրերի, Յուրի Վարդանյանը, ով 2009 թվականից ՀՀ նախագահ Սերժ Սարգսյանի խորհրդականներից է, պատրաստվում է ընդունվել «Բարգավաճ Հայաստան» կուսակցության շարքերը, որպեսզի նշանակվի նախարարի պաշտոնում:
Թե ՀՀ սպորտի եւ երիտասարդության հարցերի նախարարությունում , թե «Բարգավաճ Հայաստանի» կուսակցությունում հերքեցին այս լուրը:
Հիշեցնենք, որ վերջերս Յուրի Վարդանյանը ավտովթարի էր ենթարկվել Երեւան - Գյումրի ավտոխճուղու վրա եւ այժմ ապաքինման գործընթացում է գտնվում:
