Հարցը կարելի էր լուծել առանց կալանավորման․ Արա Զոհրաբյան (տեսանյութ)
Աջակցիր «Ա1+»-ինՈրպես փաստաբան՝ ես կարծում եմ, որ անկախ նրանից, թե ինչի մեջ են մեղադրում դատավորին, ազատությունից զրկելու հանգամանքը չի համապատասխանում մեղադրանքներին։
«Ա1+»-ի հետ զրույցում ասաց Փաստաբանների պալատի անդամ Արա Զոհրաբյանն՝ անդրադառնալով դատավոր Բորիս Բախշիյանի կրթության իրավունքի խախտման և դատավորին ազատությունից զրկելու հանգամանքին։
«Եթե կար իրավախախտման հարց, ապա այդ հարցը կարելի էր լուծել առանց կալանավորման։ Խոսքը դատավորի մասին է, որը լուրջ պաշտոն է»,- շեշտեց Արա Զոհրաբյանը՝ նշելով, որ այդ պաշտոնի հեղինակությունը հավասարվեց զրոյի։
Հիշեցնենք՝ այսօր Արդարադատության նախարարության «Օրենսդրության զարգացման և իրավական հետազոտությունների կենտրոն» հիմնադրամը՝ Արդարադատության նախարարի տեղակալ Գրիգոր Մինասյանի և Փաստաբանների պալատի նախագահ Սիմոն Բաբայանի մասնակցությամբ, կազմակերպել էր աշխատանքային քննարկում՝ ««Փաստաբանության մասին» օրենքում փոփոխություններ և լրացումներ կատարելու մասին» օրենքի նախագծի հանրային քննարկման արդյունքներով վերհանված առանձին հարցադրումները քննարկելու նպատակով:
