Թուրքիայի հետ հարաբերությունների հաստատմանը ես երբեք դեմ չեմ եղել․ Քոչարյան (տեսանյութ)
Աջակցիր «Ա1+»-ինԹուրքիայի հետ հարաբերությունների հաստատմանը ես երբեք դեմ չեմ եղել։
Այսօր իր ասուլիսում հայտարարեց ՀՀ երկրորդ նախագահ Ռոբերտ Քոչարյանը՝ պատասխանելով լրատվամիջոցներից մեկի հարցին, թե ինչ ռիսկեր է տեսնում հայ-թուրքական հարաբերությունների հաստատման, սահմանների վերաբացման մեջ՝ հատկապես տնտեսական առումով։
« Իրականում ես դեմ չեմ եղել, բայց այդ հարաբերությունների հաստատումն ունի բնական ընթացակարգ՝ դիվանագիտական հարաբերություններ են ձևավորվում, դեսպանատներ են բացվում և սկսում են քննարկել այդ մակարդակ, թե ինչ կարգով մենք պետք է հաղթահարել խոչընդոտները կան երկու երկրների միջև»,-բացատրեց Ռոբերտ Քոչարյանը՝ ներկայացնելով ներկայիս իրավիճակը, որն իր համար էլ հասկանալի չէ։
«Ըստ էության, այն ֆորմատը,որ ես տեսնում եմ ոչ թե մենք բանակցում ենք Թուրքիայի հետ, այլ բանակցում ենք Թուրքիա-Ադրբեջան միավորի հետ, օրակարգը ձևավորել է Ադրբեջանը»,- ասաց Քոչարյանը՝ ընդգծելով, որ վերջիններիս կողմից ձևավորված օրակարգն էլ հնչեցվելու է Թուրքիայի կողմից։
Քոչարյանը վստահ է՝ սա մեզ լավ տեղի չի տանելու և սա ճիշտ ճանապարհ չէ երկկողմ հարաբերությունների հաստատման համար։
Մանրամասները՝ տեսանյութում։