Կառավարությունը նպատակ ունի ամբողջությամբ անցնելու էլեկտրոնային ծառայությունների մատուցման (տեսանյութ)
Աջակցիր «Ա1+»-ինՎաղը Վանաձորում կբացվի ևս մի քաղաքացիական կենտրոն։ Մամուլի ասուլիսն այդ մասին ասաց Արդարադատության նախարարի խորհրդական Անի Մխիթարյանը։
Նա ներկայացրեց, որ դեռևս 2020-ից արդարադատության նախարարությունը ձեռնամուխ է եղել ստեղծել վարչական տարածքներ, որտեղ պետության անունից տրամադրվող բոլոր հանրային ծառայությունները ներկայացված կլինեն։
«Առաջին գրասենյակը մենք բացել ենք Երևանի կենտրոնում, որից հետո 2021-ին Իջևան և Գյումրի քաղաքներում»,-ասաց Անի Մխիթարյանը։ Հաջորդը, նրա խոսքով, լինելու է Վանաձորը։
Խոսելով ծառայության հիմնական նպատակի մասին, Մխիթարյանը նշեց՝ դրանով հնարավորություն է ընձեռվում մեկ վարչական տարածքում օգտվել բոլոր պահանջված հիմնական ծառայություններից։
Այնուհետև նա ներկայացրեց քաղաքացիական կենտրոններում ներկայացված ծառայությունների և կոմիտեների ցանկը՝ Իրավաբանական անձանց պետական ռեգիստր, Ազգային արխիվ, Քաղաքացիական կացության ակտերի գրանցում, Հարկադիր կատարման ծառայություն։
Ներկայացված է նաև կադաստրի կոմիտեն, Պետական եկամուտների կոմիտեն, Սոցիալական ապահովության ծառայությունը։ Որոշ տեղերում կան նաև նոտարական ծառայություններ։ Անի Մխիթարյանը հատկապես կարևորեց անձնագրերի և վիզաների ծառայությունը։
Խոսելով արդյունքների մասին՝ Մխիթարյանը նշեց, որ կառավարության ծրագրի համապատասխան մինչև 2026 թվականը հանրապետության բոլոր մարզերում լինելու են քաղաքացիական կենտրոններ։
Արդարադատության նախարարությունը կառավարության որոշմանը համապատասխան սկսել է քաղաքացիական կենտրոնի նոր մոդելի ձևավորման ուղղությամբ։ Արդարադատության նախարարի խորհրդականի խոսքով՝ թե՛ մարզային, թե՛ մայրաքաղաքի քաղաքացիական կենտրոններում, ըստ վիճակագրության, սպասարկվում է ամսական միջինը 2500-ից ավել մարդ։
Մխիթարյանի կարծիքով՝ թվերը խոսում են այն մասին, որ քաղաքացիները ծառայությունից գոհ են։
Արդարադատության նախարարի խորհրդականը չբացառեց, որ մինչև տարեվերջ կարող է կենտրոնների թիվն ընդլայնվել։
Բարեփոխումների համատեքստում Մխիթարյանը շեշետեց, որ մոտ ապագայում բոլոր հանրային ծառայությունները պետք է թվայնացվեն՝ դա կառավարության նպատակն է։