A
A
«Կլոն» հեռուստասերիալից հայտնի Luna Tu երգի կատարողը համերգ կունենա Հայաստանում (տեսանյութ)
Աջակցիր «Ա1+»-ինՓետրվարի 13-ին իտալացի հանրահայտ երգիչ Ալեսանդրո Սաֆինան ելույթ կունենա Արամ Խաչատրյան համերգասրահում` Հայաստանի պետական սիմֆոնիկ նվագախմբի հետ: Իսկ Փետրվարի 15-ին ՝ «Դվին մյուզիք հոլում»:
Ծրագրում երգիչն ընդգրկել է Նինո Ռոտայի, Էնիո Մարիկոնեի ու Ազնավուրի երգերը, նաև Չարլի Չապլինի հանրահայտ «Սմայլ»-ը։
Սա Սաֆինայի երկրորդ այցն է Հայաստան և լրագրողների հետ հանդիպմանը հարցին, թե ինչ հիշողություններ ունի առաջին այցելությունից, տենորը պատասխանեց, որ տպավորել է հանդիսատեսի ջերմությունն ու «Արարատ» կոնյակը:
Ասաց նաև, որ «Կլոն» հեռուստասերիալից հայտնի Luna Tu երգը, իհարկե, փոխեց իր կարիերայի ուղղվածությունը, քանի որ մինչ այդ զուտ դասական երաժշտություն էր կատարում։ Հիմա նաև իր գրած երգերն է սիրում կատարել:
Նշենք, որ համերգի կազմակերպիչը Sonati Art Made Textil ընկերությունն է։ «Քանի որ պետական աջակցություն համարյա չկա, որոշեցինք համատեղել մշակույթն ու բիզնեսը, հայտնեց «Երևանյան հեռանկարներ» միջազգային երաժշտական փառատոնի գլխավոր մենեջեր Սոնա Հովհաննիսյանը, որը նաև համերգի կազմակերպիչներից է։ «Երևանյան հեռանկարները» 23-րդ համերգաշրջանում կհյուրընկալեն աշխարհահռչակ երաժիշտների, մասնավորապես Դենիս Մացուևին, ֆրանսիացի երգիչ Գառուին։
