Բացել լրահոսը Փակել լրահոսը
A A
Քաղաքականություն Պաշտոնական

Ռուսաստան- Արևմուտք երկընտրանքից մեր իշխանությունները ընտրել են Թուրքիան․ Դավիթ Շահնազարյան (տեսանյութ)

«Այս իրավիճակում գնալ Թուրքիայի հետ դիվանագիտական հարաբերությունների հաստատման և սահմանների բացման,  մեծագույն սպառնալիք է Հայաստանի համար»,-նշեց Ազգային անվտանգության պետական վարչության նախկին ղեկավար Դավիթ Շահնազարյանը իր այսօր տված մամուլի ասուլիսին։

Ըստ նրա՝ իրավիճակը փոխվել է պատերազմից հետո, իսկ պատերազմը դեռ չի ավարտվել։

Դավիթ Շահնազարյանը նշեց, որ Թուրքիան առաջ է քաշել 4 նախապայման։ 

Կարսի պայմանագրի ճանաչում Հայաստանի կողմից, ընդունել Լեռնային Ղարաբաղը որպես Ադրբեջանի անքակտելի մաս, Ցեղասպանության հարցից հրաժարվելը և չորրորդ նախապայմանը՝ Նախիջևանից Ադրբեջան միջանցքների տրամադրումը։

Ըստ Դավիթ Շահնազարյանի՝ դելիմիտացիայի արդյունքում Գորիս-Երևան ավտոճանապարհին լինելու է ադրբեջանական մաքսակետ, որը լինելու է Տիգրանաշենում։

Ըստ նրա՝ Հայաստանի իշխանությունները կառավարվում են դրսից և Ռուսաստան- Արևմուտք երկընտրանքից մեր իշխանությունները ընտրել են Թուրքիան։

Անդրադառնալով ՀԱՊԿ-ի կազմում Ղազախստան Հայաստանից զորախումբ ուղարկելուն, ընդդիմադիր գործիչը ասաց, որ դա առաջ է քաշելու խնդիրներ Ղազախստանում հայկական համյանքի համար, իսկ միջազգային կազմակերպությունների կողմից մեր այս քայլը ևս բացասական ձևով է ընդունվել և շատ կցանկանար, որ մեծ հասարակական ընդվզում լիներ այս որոշման դեմ, քանի որ դա Հայաստանի համար նաև անվտանգային խնդիրներ է ստեղծելու։

Մանրամասները՝ տեսանյութում։