Բացել լրահոսը Փակել լրահոսը
ան2
A A
Հասարակություն

«Մի՛ գուշակիր, արի՛ հետազոտվելու». հանրային միջոցառում

ՁԻԱՀ-ի դեմ պայքարի համաշխարհային օրվա շրջանակներում նոյեմբերի 23-ից դեկտեմբերի 1-ը ներառյալ Երևանում և մարզերում կազմակերպվում են հեպատիտ Ց-ի, հեպատիտ Բ-ի և ՄԻԱՎ-ի, սիֆիլիսի անվճար, անանուն և արագ հետազոտություններ:Այս մասին տեղեկացնում է ՀՀ Առողջապահության նախարարությունը։
 
Հետազոտությունը կատարվելու է հարմարեցված և անհրաժեշտ բժշկական սարքավորումներով հագեցած ավտոմեքենաներում՝ «Ինֆեկցիոն հիվանդությունների ազգային կենտրոն» ՓԲԸ-ի լաբորատոր մասնագետների կողմից, որն ուղեկցվելու է նախաթեստային և հետթեստային խորհրդատվությամբ:
 
Միջոցառման ժամանակացույցը`
Նոյեմբերի 23 - Երևան, ժամը 11:00-17:00, Մալաթիա-Սեբաստիա համայնքում գտնվող գյուղատնտեսական շուկայի հարող տարածք
Նոյեմբերի 24 - Վանաձոր, ժամը 11:00-17:00, Արցախի պուրակ
Նոյեմբերի 25 - Արտաշատ, ժամը 11:00-17:00, գյուղատնտեսական շուկայի մոտակայք
Նոյեմբերի 26 - Մարտունի, ժամը 11:00-17:00, մշակույթի տան հարող հատված
Նոյեմբերի 29 - Արմավիր, ժամը 11:00-17:00, ավտոկայանին հարող հատված
Նոյեմբերի 30 - Գյումրի, ժամը 11:00-17:00, գյուղատնտեսական շուկային հարող տարածք
Դեկտեմբերի 1 - Երևան, ժամը 12:00-19:00, Ազատության հրապարակին հարող տարածք:
 
Նշենք, որ հանրային միջոցառումը կազմակերպվում է ՀՀ ԱՆ «Ինֆեկցիոն հիվանդությունների ազգային կենտրոն» ՓԲԸ-ի կողմից՝ ՄԱԿ-ի ՄԻԱՎ/ՁԻԱՀ-ի միացյալ ծրագրի աջակցությամբ, Ռուսաստանի Դաշնության օգնության ծրագրի շրջանակում: