Հայաստանի ազգային պատկերասրահում բացվեց «Մեկ օր Պոմպեյում» ցուցադրությունը։   

 

Մարմարե ու բրոնզե արձանիկներ, ոսկյա, արծաթե նրբագեղ զարդեր, որմնանկարների բեկորներ, կենցաղային իրեր և  այլ եզակի նմուշներ, որոնք  պատկերացում են տաիս 79 թվականին Վեզուվի ժայթքման հետևանքով կործանված և մինչև 18-19-րդ դարերը քարի բեկորների և մոխրի 3-6 մետր շերտի տակ թաղված, երբեմնի ծաղկուն հռոմեական քաղաքի  առօրյայի, նիստուկացի, բարքերի ու սովորույթների մասին։

 

Ցուցահանդեսը  կազմակերպվել է Հայաստանում, Իտալիայի դեսպանության ու Պոմպեյի հնագիտական արգելոցի համագործակցությամբ և Glocal Project Consulting ընկերության աջակցությամբ:

 

Բացմանը ներկա էին Ազգային ժողովի նախագահ Ալեն Սիմոնյանը, ՀՀ Կրթության, գիտության, մշակույթի և սպորտի նախարար Վահրամ Դումանյանը և Հայաստանում Իտալիայի դեսպանը:

 

«Ես շրջեցի, բայց մեծ ցանկություն ունեմ ևս մեկ անգամ դիտելու, քանի որ պաշտոնական դիտման ժամանակ չենք հասցրել «սուզվել» ամեն մի ցուցանմուշի բովանդակությոն մեջ», - ասաց ԿԳՄՍ նախարարն ու հավելեց, որ նման ցուցադրությունները հնարավորություն են տալիս մեր երկու ժողովուրդներին տեսնել նմանությունները, թե որքան ենք մենք նման մեր ավանդույթներով, սովորույթներով, մշակույթով ու կենցաղով։