A
A
Ալեք Բոլդուինը առաջին հարցազրույցն է տվել. Նա ասել է, որ ընկերացել էր Գալինա Հաթչինսի հետ
Աջակցիր «Ա1+»-ինԴերասան Ալեք Բոլդուինը լրատվամիջոցներին առաջին հարցազրույցն է տվել ճակատագրական միջադեպից հետո, երբ պատահաբար կրակել է օպերատոր Գալինա Հաթչինսի վրա: Նրա խոսքով՝ իրենք ընկերություն են արել, գրում է ԲԲՍ-ին։
Դերասանն ասել է, որ ոստիկանությունն իրեն արգելել է լրագրողների հետ զրույցում քննարկել քննության ընթացքը ։
Դատախազները դեռ որեւէ մեկին որեւէ մեղադրանք չեն ներկայացրել, սակայն դա չեն բացառում ապագայում ։
Բոլդուինը կողմ է արտահայտվել ֆիլմերի նկարահանումներում իրական զենքի կիրառումը սահմանափակելուն ՝ ի շահ մարդկանց անվտանգության ։
Ուկրաինական ծագմամբ 42-ամյա օպերատոր Գալինա Հաթչինսը մահացել է հոկտեմբերի 21-ին Նյու Մեքսիկոյի նահանգում՝ «Ժանգ» վեսթերնի նկարահանումների ժամանակ: Ալեք Բոլդուինը զենքը ուղղել է նրա վրա եւ կրակել, չիմանալով, որ այն լիցքավորված է մարտական փամփուշտներով ։ Արձակած գնդակներից մեկն էլ դիպել է ֆիլմի ռեժիսոր Ջոել Սոուզեի ուսին:
Ալեք Բոլդուինի խոսքով ՝ նման միջադեպերը նկարահանող հարթակում չափազանց հազվադեպ են, ինչպես ինքն է ասել՝ «մեկը՝ տրիլիոնից»:
