Այլևս կընդհատեմ բոլոր այն ելույթները, որոնք կապ չեն ունենա թեմայի հետ․ Ռուբինյան (տեսանյութ)
Աջակցիր «Ա1+»-ինԱյսօր «Հայաստան» խմբակցության քարտուղար Արծվիկ Մինասյանը ԱԺ ամբիոնից անդրադարձավ նիստը վարելու նրբություններին , մասնավորապես նշելով, թե ԱԺ նիստը վարողի պարտականությունն է հավասար վերաբերմունք ցույց տալ ըստ օրենքի , այլ ոչ թե ըստ տոկոսային հարաբերության։
Նա մասնավորապես նշեց, թե շատ դժվար է Սինգապուրը կապել Կապանում տեղի ունեցող տեղական ինքնակառավարման ընտրությունների հետ՝ այդպես ակնարկելով «Քաղաքացիական պայմանագիր» կուսակցության պատգամավոր Վահագն Ալեքսանյանի ելույթը։
«Լսեք, ռազմի դաշտում է Դաշնակցությունը հաղթել, ո՞վ է քաղաքացիական կյանքը, որ դաշնակցությունը չհաղթի»,- նշեց Արծվիկ Մինասյանը և հավելեց, թե պառլամենական ամբիոնից պետք է խոսել միայն ճշմարտությունից և հետամուտ լինել ճշմարտության բացահայտմանը՝ այդպիսով օգնելով մեր պետականությանը։
Արձագանքելով պատգամավորի ելույթին՝ Ռուբեն Ռուբինյանն իր հերթին ընդգծեց, որ այսուհետ մեծագույն հաճույքով ինքն ընդհատելու է բոլոր նման ելույթները։ « Ես մինչ այդ դա չէի անում մի պարզ պատճառով, ես մտածում էի, որ եթե ես էսպիսի բաներ սկսեմ անել, ընդդիմությունը կասի սահմանափակում եք և այլն»,- նշեց Ռուբինյանը։