Ալիևը Հայաստանին և Իրանին մեղադրեց թմրաշրջանառության մեջ (տեսանյութ)
Աջակցիր «Ա1+»-ինԱդրբեջանի նախագահ Իլհամ Ալիեւոը Հայաստանին և Իրանին մեղադրեց դեպի Եվրոպա թմրաշրջանառության համար: Նա այդ մասին հայտարարեց ԱՊՀ երկրների ղեկավարների խորհրդի ժամանակ նիստի ժամանակ։ Նրան հաջորդած ելույթում արդեն ՀՀ վարչապետ Նիկոլ Փաշինյանը նշեց՝ թվերն այլ բան են ցույց տալիս․ Հայաստանի և Իրանի ուժային կառույցները բավականին արդյունավետ համագործակցություն են ձևավորվել թմրանյութերի ապօրինի շրջանառությունը կանխելու համար։
Ընդհանրապես , ԱՊՀ պետությունների ղեկավարների խորհրդի նիստում Իլհամ Ալիեւը Հայաստանին մեղադրեց տարբեր հարցերում՝ այդպես էլ կառուցողական որեւէ առաջարկ չանելով։
«Հայաստանը հրաժարվում է մեզ տրամադրել ականազերծման քարտեզները։ Իսկ մինչ այս տրված քարտեզները ընդամենը 25 տոկոս ճշտգրտություն են ունեցել»,- հայտարարեց նա։ Ալիեւը կրկին պնդեց, որ ռազմագերիներին վերադարձրել են, իսկ նրանք, ովքեր պահվում են իրենց մոտ, դիվերսանտներ են, որոնց ձերբակալել են նոյեմբերի 9-ից հետո։
Ալիեւը պատրաստակամություն հայտնեց սահմանազատման և սահմանագծման գործընթաց սկսելու՝ տարածքային ամբողջականության փոխադարձ հարգանքի սկզբունքով: Ադրբեջանը նաեւ, իր բառերով, որպես հաղթող երկիր պատրաստ է բանակցություններ սկսել Հայաստանի հետ խաղաղ պայմանագրի մասին:
Մանրամասները՝ տեսանյութում