A
A
Հայաստանի պատանի ծանրորդները 3 մեդալով են վերադառնում Սաուդյան Արաբիայից
Աջակցիր «Ա1+»-ինՀայաստանի պատանի ծանրորդներն ավարտեցին ելույթները Սաուդյան Արաբիայի Ջեդա քաղաքում ընթացող ծանրամարտի աշխարհի պատանեկան առաջնությունում:
Մեր երեք պատվիրակները նվաճեցին 3 մեդալ: Տղաների մինչև 89 կգ քաշային կարգում Ալեքսանդր Լազարյանը ոսկե մեդալներ նվաճեց երկամարտում (323 կգ) և հրում վարժությունում (182կգ):
Մինչև 61 կգ քաշային կարգում Ռաֆիկ Մինասյանը հրում վարժությունում արժանացավ փոքր բրոնզե մեդալի` 144 կգ արդյունքով: Նա երկամարտում զբաղեցրեց 4-րդ տեղը:
Աղջիկների 76 կգ քաշային կարգում հայտավորված Էմմա Պողոսյանը չբարձրացավ մրցահարթակ և բաց թողեց առաջնությունը: