A
A
Իմ կարծիքով՝ Իսլանդիան այս խաղում արժանի չէր մեկ միավորի. Հենրիխ Մխիթարյան
Աջակցիր «Ա1+»-ինՀայաստանի ֆուտբոլի հավաքականի ավագ Հենրիխ Մխիթարյանը Իսլանդիայի ընտրանու հետ խաղից հետո կիսվել է իր տպավորություններով:
«Մենք այսօր լավ խաղացինք և ավելի շատ գոլային պահեր ստեղծեցինք: Մեզ հարկավոր էր ընդամենը խփել երկրորդ գոլը: Ցավոք, դա մեզ չհաջողվեց: Իսկ երբ չես խփում երկրորդ գնդակը, մրցակիցը հաշիվը հավասարացնելու ավելի մեծ շանս է ստանում, ինչպես եղավ այս խաղում:
Իմ կարծիքով՝ Իսլանդիան այս խաղում արժանի չէր մեկ միավորի, բայց սա ֆուտբոլ է: Վերջում մենք ստիպված եղանք բավարարվել այդ միավորով», - իսլանդական VÍSIR կայքին տված հարցազրույցի ժամանակ ասել է Հենրիխ Մխիթարյանը:
Հիշեցնենք, որ Հայաստանի հավաքականը ֆուտբոլի աշխարհի առաջնության ընտրական փուլի հերթական խաղում հյուրընկալվելիս ոչ-ոքի` 1:1 է խաղացել Իսլանդիայի հետ:
