Մարդու իրավունքների պաշտպանը երեխաներին ներկայացրել է աշխատակազմի գործունեությունը երեխաների իրավունքների պաշտպանության ուղղությամբ, խոսել children.ombuds.am կայքի մասին, որը հնարավորություն է տալիս երեխաներին, ուսուցիչներին ու ծնողներին ծանոթանալ երեխաների իրավունքներին, համացանցից անվտանգ օգտվելու կանոններին և այլն:

 

Առանձնակի ուշադրություն է դարձվել թվային միջավայրում երեխաների իրավունքների պաշտպանության վերաբերյալ հարցերին:

 

Աշակերտները հնարավորություն են ունեցել իրենց հուզող հարցերն ուղղել Պաշտպանին: Հարցերի մեծ մասը վերաբերել է երեխաների խնամք և պաշտպանություն իրականացնող հաստատություններում ապրող երեխաների իրավունքներին, COVID-19-ի դեմ պատվաստումներին, բուլլինգին և այլն։

 

Հանդիպման վերջում Արման Թաթոյանը հորդորել է երեխաներին լավ սովորել, խորհուրդներ է տվել համացանցից անվտանգ օգտվելու վերաբերյալ և բարձր գնահատել ուսուցիչների դերը երեխաների դաստիարակության գործում։