Մահացել է «Իմպուլս-մայակ» ռադիոկայանի տնօրեն, լրագրող Կորյուն Խումարյանը
Աջակցիր «Ա1+»-ինՄահացել է «Իմպուլս-մայակ» ռադիոկայանի տնօրեն Կորյուն Խումարյանը։ Նրա 80-ամյակը կլրանար նոյեմբերի 1-ին։
Կորյուն Խումարյանն ավարտել է Երևանի Վ. Բրյուսովի անվան ռուսաց և օտար լեզուների պետական մանկավարժական ինստիտուտի բանասիրության ֆակուլտետը, աշխատել է ՀԽՍՀ հեռուստառադիոպետկոմում, եղել է ԽՍՀՄ հեռուստառադիոպետկոմի, հետագայում Հայաստանում ռուսաստանյան հանրային հեռուստատեսության սեփական թղթակիցը։ 1999թ. մինչև օրս`«Իմպուլս-մայակ» ռադիոկայանի տնօրենն էր։
1981թ-ին արժանացել է ԽՍՀՄ հեռուստատեսային ֆիլմերի համամիութենական փառատոնի «Գրան պրիի», 1982թ.-ին՝ «Անձնվեր աշխատանքի համար» մեդալի։
Հատկապես մեծ է նրա դերը հայաստանյան հեռուստառադիոլրագրության զարգացման գործում։ Լրագրողների մի քանի սերունդ սովորել է նրանից։
«Ա1+»-ը ցավակցում է Կորյուն Խումարյանի ընտանիքին, հարազատներին, ընկերներին, գործընկերներին, ուսանողներին։
Կորյուն Խումարյանի հոգեհանգիստը տեղի կունենա վաղը՝ հոկտեմբերի 1-ին՝ 18:00-20:00 Նոր Նորքի Սուրբ Սարգիս եկեղեցում:
Հուղարկավորությունը՝ հոկտեմբերի 2-ին Շահումյան-2 գերեզմանատանը: Եկեղեցուց կշարժվեն 13:00-ին։