Թենիսի ԱՄՆ-ի 18-ամյա չեմպիոնը հրաժարվել է իր մարզչից
Աջակցիր «Ա1+»-ինԲրիտանացի թենիսիստուհի Էմմա Ռադուկանուն, որը վերջերս անսպասելի հաղթել է ԱՄՆ-ի բաց առաջնությունում, հրաժարվել է իր մարզիչ Էնդրյու Ռիչարդսոնի ծառայություններից: Այդ մասին տեղեկացնում է ESPN Tenis հեռուստաալիքը:
Թենիսի մասնագետը մարզուհու կողմից վարձակալվել էր ընդամենը ամառային երեք ամիսներին աշխատելու համար: Այժմ նա նոր մարզիչ է փնտրում:
«Կարիերայիս այս փուլում ինձ հարկավոր է այնպիսի մարզիչ, որը բարձրակարգ մրցաշարերում աշխատելու մեծ փորձ ունի», - իր ինստագրամում գրել է 18-ամյա թենիսիստուհին:
Հիշեցնենք, որ Էմմա Ռադուկանուն ԱՄՆ-ի բաց առաջնությունը սկսել էր որակավորման փուլից, քանի որ նա այդ ժամանակ զբաղեցնում էր աշխարհի թենիսիստուհիների վարկանիշային աղյուսակի 150-րդ տեղը: Նա մտել է հիմնական մրցաշար, ապա հաղթելով իր բոլոր մրցակիցներին, դարձել է ԱՄՆ-ի չեմպիոն:
Բրիտանացի թենիսիստուհին այժմ աշխարհի 22-րդ ռակետն է: