Գոլային հրավառություն Մանչեսթերում և Լիսաբոնում. Ալերը կրկնում է Վան Բաստենի ռեկորդը. ՉԼ
Աջակցիր «Ա1+»-ինՈՒԵՖԱ-ի չեմպիոնների լիգայում կայացան խմբային փուլի 1-ին տուրի հերթական 8 հանդիպումները:
Գոլերի իսկական հրավառություն տեղի ունեցավ անգլիական Մանչեսթերում, որտեղ տեղի «Սիթին» ու գերմանական «Լայպցիգը» միասին 9 գնդակ խփեցին միասին, սակայն դաշտի տերերն երկու անգամ գերազանցեցին հյուրերին` 6:3: Ի դեպ, արդյունավետությամբ աչքի ընկավ «կարմիր ցուլերի» հարձակվող Նկունկուն, որը հեթ-տրիկի հեղինակ դարձավ:
Սակայն, չեմպիոնների լիգայի առաջին տուրից հետո ռմբարկուների ցուցակը սկսեց գլխավորել ֆրանսիացի Սեբաստյան Ալերը, որը «Այաքսի» կազմում հյուրընկալվելիս 4 գոլ խփեց Լիսաբոնի «Սպորտինգին»: Նա դարձավ երկրորդ ֆուտբոլիստը, որն իր նորամուտը չեմպիոնների լիգայում նշեց պոկերով: Մինչ այդ նման արդյունավետություն գրանցել էր «Այաքսի» նախկին հարձակվող Մարկո վան Բաստենը:
Այս տուրում ամենամեծ անակնկալ մատուցեց «Բրյուգեն», որը սեփական դաշտում ոչ-ոքի խաղաց աստղային «ՊՍԺ»-ի հետ: Ֆրանսիացիների Նեյմար – Մբապե – Մեսի հարձակման եռյակը միայն մեկ անգամ կարողացավ ճեղքել բելգիացիների պաշտպանությունը, իսկ նրանց խաղընկերները չկարողացան մինչև վերջ պաշտպանել սեփական դարպասը` 1:1:
Ուշադրության է արժանի լիգայի նորեկ «Շերիֆի» մեկնարկը, որը սեփական դաշտում անսպասելի հաղթանակ տարավ փորձառու «Շախտյորի» նկատմամբ` 2:0: Ի դեպ, Հայաստանի չեմպիոն «Ալաշկերտը» հենց մոլդովական թիմին էր պարտվել չեմպիոնների լիգայի որակավորման փուլում:
Չեմպիոնների լիգա
Խմբային փուլ
1-ին տուր
15 սեպտեմբերի
A խումբ
«Մանչեսթեր Սիթի» - «Լայպցիգ»` 6:3
«Բրյուգե» - «ՊՍԺ»` 1:1
B խումբ
«Լիվերպուլ» - «Միլան»` 3:2
«Աթլետիկո» - «Պորտու»` 0:0
C խումբ
«Բեշիկթաշ» - «Բորուսիա» Դորտմունդ` 1:2
«Սպորտինգ» - «Այաքս»` 1:5
D խումբ
«Ինտեր» - «Ռեալ»` 0:1
«Շերիֆ» - «Շախտյոր»` 2:0
2-րդ տուրի խաղերը կկայանան սեպտեմբերի 28-ին և 29-ին: